Дарагія педагогі, навучэнцы, бацькі і ўсе, хто мае дачыненне да нашага каледжа! Ва ўсіх установах адукацыі Беларусі ёсць добрая традыцыя: пачатак новага навучальнага года, першага верасня, адзначаць як Свята ведаў. 

     1 верасня – значны дзень, з якога пачынаецца дарога ў будучыню, у цікавае жыццё. Вялікае заўсёды пачынаецца з малога. Паўнаводная рака жывіцца маленькімі ручайкамі. З невялікага верша пачынаецца вялікая паэзія. Любоў да сваёй краіны пачынаецца з замілавання да месца, дзе нарадзіліся і выраслі, пачалі ўсведамляць свет, зрабілі першыя крокі ў самастойнае жыццё:

                     Карані свае помні на гэтай зямлі, 

                      Што прызначана Богам і лёсам:  

                     Свае першыя крокі твой дзед тут зрабіў,

                     Першы раз запляла маці косы. 

                     Пад блакітам нябёс Беларусі святой

                     Да цябе дакрануўся анёлак, 

                     Калі ты уздыхнуў першы раз і табой

                     Пачалася пісацца старонка.

                     Хай усё, што ты ў летапіс зможаш ўпісаць

                     Будзе славай Радзіме і людзям.

                     І тады сваім унукам ты зможаш сказаць:

                     «Беларусь хай вам гонарам будзе!»

                                                                           Н.  Астрамецкая

     Віншую са святам і жадаю настойлівасці, аптымізму, поспехаў у навучанні і працы, прафесійнага майстэрства, ажыццяўлення вашых самых смелых мар і рэалізацыі грандыёзных планаў. Няхай прыгажосць нашай цудоўнай сінявокай Радзімы кранае струны вашай душы кожны новы дзень! 

                                                                                                            З павагай, бібліятэкар І. Сірач

<< на главную